“Real Madrid”in baş məşqçisi Karlo Ançelotti Çempionlar Liqasında (ÇL) oyunların sayına görə klubun məşqçilik rekordunu təkrarlayıb.
Yeniavaz.com xəbər verir ki, bu barədə kral klubunun mətbuat xidməti məlumat yayıb.
Beləliklə, Ançelotti üçün ümumi mərhələnin 8-ci turunun “Brest”lə oyunu (3:0) Madrid komandasının baş məşqçisi kimi avrokuboklarda 71-ci olub.
“Real Madrid”in əfsanəvi baş məşqçisi Migel Munyos da eyni sayda matça sahibdir.
Üçüncü yerdə isə Madrid klubunun baş məşqçisi kimi Çempionlar Liqasında 60 oyun keçirən Visente del Boske qərarlaşıb.
