Bakıda keçiriləcək cüdo üzrə "Böyük Dəbilqə" turnirinin Təşkilat Komitəsinə komandalardan iştirakla bağlı müraciətlər gəlməkdə davam edir.
İdman.biz xəbər verir ki, fevralın 14-16-da Milli Gimnastika Arenasında keçiriləcək reytinq turnirində 37 ölkədən cüdoçular qeydiyyatdan keçib.
Onlar dörd qitəni təmsil edirlər.
Hələlik ən böyük heyət Özbəkistan komandasındadır - 20 idmançı. Yaponiya 19, Braziliya və Almaniya isə hərəyə 13 cüdoçu ilə gələcəklər.
İdman.biz
