Odessa vilayətində Ukrayna Silahlı Qüvvələrinin (AFU) Qərb ölkələrindən aldığı hərbi texnika və sursatların saxlandığı ticarət limanında partlayış baş verib.
NOCOMMENT.az xəbər verir ki, bu barədə Rusiyayönlü Nikolayev müqavimətinin koordinatoru Sergey Lebedev öz Telegram kanalında məlumat verib.
“Gecə saat ikidə Belqorod-Dnestrovski şəhərində, Belqorod-Dnestrovski ticarət limanında partlayış baş verdi”, – deyə o vurğulayıb.
Lebedev qeyd edib ki, limanın anbarlarında Ukrayna Silahlı Qüvvələri üçün xaricdən gətirilən avadanlıq və sursat var.
Zərbə nəticəsində Ukrayna Silahlı Qüvvələrinin hansı itkilərə məruz qaldığı hələlik məlum deyil, deyə Lebedev əlavə edib.
