Bu gün Azərbaycan Basketbol Liqasında XIII tur start götürəcək.
Fanat.Az xəbər verir ki, ilk oyun günündə A qrupunda iki qarşılaşma keçiriləcək.
"Sərhədçi" - "Naxçıvan" və "Abşeron" - "Sabah" matçları saat 19:00-da start götürəcək. Oyunlar müvafiq olaraq "Sərhədçi" İdman Mərkəzində və Abşeron Olimpiya İdman Kompleksində gerçəkləşəcək.
"Sabah" 12 turdan sonra 22 xalla A qrupunda liderdir. "Naxçıvan" 20 xalla ikinci, "Abşeron" 17 xalla üçüncü, eyni xala malik "Sərhədçi" beşinci yerdədir.
Qeyd edək ki, tura fevralın 2-də yekun vurulacaq.
