ABŞ prezidenti Donald Tramp bütün qeyri-qanuni sərhəd keçidlərini bağlamağa və miqrantların ölkəyə girişinə qadağa qoymağa davam edərkən bəzi sənətçilər onun bu siyasətinə açıq şəkildə qarşı çıxırlar.
Hafta.az-ın yazdığına görə, belə məşhurlardan biri də Selena Qomezdir. Valideynləri əslində meksikalı mühacirlər idi. Müğənninin özü ABŞ-da doğulsa da, nəsil ağacı Amerikadan kənarda başlayıb.
Bəzi Hollivudda şöhrət qazanmış mühacir sənətçilər haqqında məlumat veririk:
Mila Kunis
Aktrisa Mila Kunis Ukraynanın Çernivtsi şəhərində anadan olub. Valideynləri Milanın yeddi yaşı olanda ABŞ-a köçüblər. Özü də ciblərindəki 250 dollarla ölkəni tərk ediblər. Amerikada Kunisin atası taksi sürücüsü və pizzaçı, anası isə aptekdə işləyirdi.
“Biz ABŞ-a köçəndə mən orada nə mədəniyyəti, nə də dili başa düşürdüm. Elə bil bir anın içində kor və kar olacaqdım”, - deyə aktrisa bildirib. Amma o, ölkəyə tez uyğunlaşdı və ingilis dilini öyrəndi.
Salma Hayek
Salma Hayek Meksikada doğulub boya-başa çatıb. O, karyerasına yerli telenovellalarda başlayıb. 1991-ci ildə Hayek aktyorluq təhsili almaq üçün Los-Ancelesə gəldi. Yaşıl kart almadan əvvəl o, ABŞ-da qeyri-qanuni mühacirlərdən biri idi.
Pamela Anderson
Aktrisa, model və ictimai fəal Pamela Anderson 1 iyul 1967-ci ildə Kanadanın Britaniya Kolumbiyası ştatında anadan olub. 2004-cü ildə o, Amerika vətəndaşlığını aldı və heyvan hüquqlarının müdafiəçilərindən biri oldu.
Cim Kerri
Cim Kerri 1962-ci ildə Kanadanın Ontario şəhərində anadan olub. Uşaqlıqdan Amerikaya getməyi xəyal edirdi. Atası mühasib və musiqiçi, anası isə evdar qadın idi. Ailə iqtisadi böhrana düşəndə ata işini itirdi və nəticədə maddi sıxıntı ilə üzləşdilər. Bu onun arzusuna mane oldu. Kerri Amerikada peşəkar karyerasına başlayandan cəmi 20 il sonra ABŞ vətəndaşlığını alıb. 2004-cü ilə qədər o, Kanada vətəndaşı olub.
Natali Portman
Natali Portman İsraildə anadan olub. Ailəsi ABŞ-a köçəndə aktrisanın üç yaşı var idi. 2015-ci ildə Amos Ozun romanı əsasında çəkilmiş ibrani dilində "Sevgi və qaranlığın şeiri" filminin rejissoru olub.
Şarliz Teron
Aktrisa Cənubi Afrikada doğulub və model kimi işləmək üçün ABŞ-a gəlib. Sonra o, karyerasını Hollivudda davam etdirmək üçün Los-Ancelesə köçdü və 2007-ci ildə ABŞ vətəndaşı oldu.
Emili Blant
Emili Blant Böyük Britaniyada anadan olub. O, 2008-ci ildə ABŞ-a gəlib və 7 ildən sonra Amerika vətəndaşı olub. Lakin o, Britaniya vətəndaşlığını saxladı.
Arnold Şvartsenegger
O, 30 iyul 1947-ci ildə Avstriyada anadan olub və gənc yaşlarından bodibildinqə başlayıb. Şvartsenegger 1968-ci ildə, 21 yaşında olarkən ABŞ-a köçüb. O, atletik uğurunu Amerikada davam etdirdi və tezliklə məşhur bodibilder və iş adamına çevrildi.
Daha sonra aktyorluğa başlayıb və bütün dünyada tanınıb. Şvartsenegger 1983-cü ildə ABŞ vətəndaşı olub. 2003-cü ildə Kaliforniya qubernatoru seçilib və 2011-ci ilə qədər bu vəzifədə çalışıb.
