ABŞ prezidenti Donald Trampın qızı İvanka Tramp Kaliforniya ştatının Altadena şəhərində meşə yanğınlarından zərər çəkənlərə könüllü yardım edib. İvanka yanğın qurbanlarına yemək və zəruri ləvazimatları paylamaq üçün saatlarla vaxt sərf edib.
Sitat.info xəbər verir ki, Prezident Donald Trampın böyük qızı İvanka Tramp CityServe ilə birgə təşkil edilən tədbirdə yanğın qurbanları ilə görüşüb.
43 yaşlı İvanka könüllülər həvəsləndirmək və təcili yardımları ailələrə paylamaq üçün prosesə qoşulub. İvanka önlük və əlcək geyinərək mətbəxə daxil olub və zərərçəkənlərə isti yeməklər paylayıb.
Daha sonra o, ailələr üçün ləvazimat daşıyan arabanın yüklənməsinə kömək edib. Təşkilat İvankanın tədbirə qatılmasının "qürurverici" olduğunu və vaxtını könüllü olaraq ayırdığı üçün ona minnətdarlığını bildirib.
Qeyd edək ki. Palisades yanğını 23 min hektardan çox ərazini, İton yanğını isə Altadenada 14 min hektardan çox ərazini yandırdı.
Bir çox məşhurlar yanğından zərər çəkdi, bir çoxu isə evlərini itirdi. Paris Hilton, Heidi Montag və Spenser Pratt, Leighton Meester və Adam Brody və Miles Teller evlərini itirmiş ulduzlardan yalnız bir neçəsidir.
Aytac,
Sitat.info
