Xocalı Soyqırımının 33-cü İldönümü ilə Əlaqədar Anım Tədbiri Keçirilib

Tədbir iştirakçıları abidənin önünə güllər qoyaraq, faciə qurbanlarının xatirəsini ehtiramla yad ediblər. Anım mərasimində çıxış edənlər Xocalı soyqırımının Azərbaycanın tarixinə silinməz bir faciə kimi həkk olunduğunu vurğulayıb, günahsız insanların qətlə yetirilməsinin təkcə Azərbaycan xalqına deyil, bəşəriyyətə qarşı törədilmiş cinayət olduğunu bildiriblər.

Xocalı soyqırımı zamanı 613 dinc sakin, o cümlədən 106 qadın, 63 uşaq və 70 qoca xüsusi qəddarlıqla qətlə yetirilib, yüzlərlə insan ağır yaralanıb, 1275 nəfər əsir götürülüb, 150-dən çox insanın taleyi isə hələ də naməlum olaraq qalır.

Tədbir iştirakçıları dünya ictimaiyyətini Xocalı faciəsinə hüquqi-siyasi qiymət verməyə çağıraraq, bu faciənin bir daha təkrarlanmaması üçün ədalətin bərqərar olmasının vacibliyini qeyd ediblər.