Nobel Sülh Mükafatı laureatı Polşanın keçmiş prezidenti Lex Valensa “Super Express” qəzetinə müsahibəsində deyib: “Gəlin öz işimizi görək, burada Avropada güclü ittifaqlar yaradaq, bu işə qarışmayaq və Maska görə narahat olmayaq. Mən ondan narahat deyiləm… o, imtina edilməsi lazım olan adamdır… heç bir əhəmiyyəti olmayan adamdır”.
Vətəninfo.az xəbər verir ki, həftə sonu Polşanın xarici işlər naziri Radoslav Sikorski ABŞ prezidenti Donald Trampın yaxın müşaviri Maskla və ABŞ dövlət katibi Marko Rubio ilə münaqişə edib.
Sikorski və Mask “Starlink” sistemini müzakirə ediblər; Mask iddia edib ki, Ukraynanı Starlinkdən ayırmaq istəsə, “cəbhə xətti tamamilə” dağılacaq.
Sikorski cavab verərək deyib ki, Ukrayna üçün “Starlink” ikitərəfli ticarət razılaşmasına əsasən Polşa tərəfindən ödənilir və onun bağlanması təhlükəsi alternativ şəbəkə axtarışına təkan verəcək.
Rubio daha sonra Sikorskini iddiaları uydurmaqda ittiham edib.
“Heç kim Ukraynanı “Starlink”dən ayırmaqla hədələməmişdi. Və Allaha şükürlər olsun ki, “Starlink” olmasaydı, Ukrayna bu müharibəni çoxdan uduzardı və ruslar indi Polşa sərhədində olardı”.
İlon Musk Polşanın xarici işlər naziri Radoslav Sikorskinin tənqidlərinə cavab verib.
Sikorski ölkəsinin rəqəmsallaşdırma nazirliyinin Ukrayna üçün “Starlink”ə ildə təxminən 50 milyon dollar ödədiyini bildirib və “SpaceX”i Kiyevi sistemdən ayırmaq istəyinə görə tənqid edib.
Mask Sikorskinin “X” platformasındakı paylaşımına cavabında yazıb: “Sakit ol, balaca adam. Xərclərin cüzi hissəsini ödəyirsən. “Starlink”in əvəzi yoxdur”.
