Konstantinopol erməni patriarxı arxiyepiskop Sahak Maşalyan Türkiyə prezidenti Rəcəb Tayyib Ərdoğanın təşkil etdiyi iftar mərasimində iştirak edib.
Hafta.az xəbər verir ki, “Hraparak” nəşrinin yaydığı məlumata görə, bu barədə Konstantinopol erməni patriarxlığı məlumat yayıb.
Qeyd olunur ki, mərasim martın 27-də Ankarada, prezident sarayında baş tutub. Konstantinopol erməni patriarxını keşiş Qaspar Karapetyan müşayiət edib.
“İştirak edənlər arasında ruhani liderlər, icma nümayəndələri və digər qonaqlar da olub: “Türkiyə prezidenti gecədə Konstantinopol erməni patriarxına iştirakına görə minnətdarlığını bildirib”, - məlumatda deyilir.
Qeyd edilir ki, Türkiyə prezidenti hər il müsəlmanların müqəddəs bayramında Türkiyənin milli və dini azlıqlarının liderləri üçün Ramazan süfrəsi təşkil edir.
