Depo tikiləcək və ətrafında 1000-ə yaxın ağac əkiləcək - FOTOLAR

Dövlət proqramı çərçivəsində inşa edilən “Dərnəgül” elektrik deposu strateji obyektdir. Depo tikildikdən sonra ətrafında minə yaxın ağac əkiləcək.

Adalet.az xəbər verir ki, bunu Dövlət Ekoloji Ekspertiza Agentliyinin Ä°darə Heyətinin sədr müavini Ä°man Quliyev “Dərnəgül” elektrik deposunun inşası zamanı layihə altına düşən yaşıllıqlarla bağlı ictimai dinləmədə deyib.

O bildirib ki, bu layihə nəqliyyat infrastrukturunun inkişafı üçündür:

“Bununla bağlı sənədlər bizə təqdim olunub və ekspertizası keçirilib, tövsiyələr verilib. Layihənin icrası üçün plana düşən ağacların yalnız köçürülməsi olacaq. Yaşıllıq landşaftı layihədə öz əksini tapmalıdır. Əks hal mümkün deyil. Ciddi nəzarət aparılır. Çalışırıq ki, həm layihələr icra olunsun, həm də ekoloji tədbirlərə əməl edilsin”.

“Bakı Metropoliteni” QSC-nin Perspektiv inkişaf və əsaslı tikintiyə nəzarət departamentinin rəisi Aftandil Bayramov isə əlavə edib ki, deponun tikintisi aparılacaq ərazidən 460-dan çox ağac köçürüləcək və bunun əvəzində minə yaxın ağac əkiləcək.