1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
NATO-nun Haaqada keçiriləcək sammitində Vaşinqton tərəfdaşlarından hərbi blok çərçivəsində öhdəliklərinin artırılmasını gözləyir.
Oxu.Az-ın xəbərinə görə, bu barədə ABŞ dövlət katibi Marko Rubio özünün "X" hesabında paylaşım edib.
O vurğulayıb ki, ABŞ artıq mühüm töhfələr verib və öz dəstəyini davam etdirmək niyyətindədir.
Lakin o, müttəfiqləri öz imkanlarını gücləndirməyə çağırıb. Rubionun sözlərinə görə, NATO "əsl ittifaq" olmalıdır.
"Birincisi, Ukraynadakı münaqişə, düşünürəm ki, bu qitədə bir çox insanı real təhlükələr, real müharibə ilə bağlı oyadıb. İkinci səbəb isə, zənnimcə, Prezident Trampın təzyiqləri və bəyanatlarıdır... Və biz ümid edirik ki, liderlər Haaqada görüşdükləri zaman bu istiqamətdə sonrakı və daha güclü öhdəliklər qəbul ediləcək", - deyə Marko Rubio yazıb.
Qeyd edək ki, martın əvvəlində ABŞ Prezidenti Donald Tramp NATO-ya üzv ölkələrin lazım gələrsə, ABŞ-ni müdafiə etməyə hazır olduqlarına şübhə etdiyini bildirib.
