Bir daha Ukraynadakı müharibə haqda:REAL VƏZİYYƏT NECƏDİR?

Bir neçə gün əvvəl Ukraynanın məşhur hərbi müxbiri Yuri Butusov Haqqin.az-da canlı yayımda bir çox dünya və Rusiya KİV-lərində Ukrayna cəbhəsinin yarılması, Ukrayna Silahlı Qüvvələrinin geri çəkilməsi və Donetsk vilayətinin yeni yaşayış məntəqələrinin ələ keçirilməsi barədə xəbərlərini təkzib etmişdi (https://senzor.az/bas-yazi/37982-ukrayna-cebhesinde-kiyev-ucun-dogrudanmi-kritik-veziyyet-yaranib.html). 

Bəs təkcə postsovet regionunun deyil, bütün qlobal dünya nizamının gələcək taleyinin həll olunduğu döyüş meydanlarında əslində nələr baş verir?

Senzor.az bildirir ki, bu dəfə Azərbaycanın tanınmış araşdırmaçı jurnalisti, rusdilli populyar Haqqin.az portalının rəhbəri Eynulla Fətullayevin suallarını birbaşa efirdə Rusiyanın məşhur hərbi müxbiri Yevgeni Poddubnı cavablandırıb.

Qeyd edək ki, E.Poddubnı Rusiyanın ən böyük telekanalı VGTRK-nin Yaxın Şərq və Şimali Afrikadakı bürosunun rəhbəri, “Rossiya-24” telekanalında “Müharibə” verilişinin müəllifi və aparıcısıdır.

Senzor.az məsələnin və toxunulan mövzuların aktuallığını nəzərə alaraq həmin maraqlı videomüsahibəni öz oxucularına təqdim edir...