Albaniya klubu “Qarabağ”ın hücumçusu ilə maraqlanır

“Qarabağ”ın albaniyalı forvardı Redon Cica komandanı tərk edə bilər.

Bizim.Media xəbər verir ki, albaniyalı hücumçuya “Vlajniya” maraq göstərir. Belə ki, hazırda Albaniya çempionatında üçüncü pillədə qərarlaşan klub Cicanı bu qış heyətinə qatmağı planlaşdırır. Amma bu keçid ən yaxşı halda icarə əsasında baş tuta bilər. Üstəlik, “Qarabağ”ın Cicanın gedişinə icazə verib-verməyəcəyi bəlli deyil.

Belə ki, Juninyo “Sevilya”ya keçərsə, Ağdam klubu Cicanı saxlmağa cəhd göstərəcək.

26 yaşlı hücumçu 2023-cü il yanvarın 24-də “Qarabağ”a keçib və 2026-cı il iyunun 30-na qədər bu kluba məxsusdur.

Rəşad Rafiqoğlu, Bizim.Media