Çinli seysmoloqların əsas və ən dağıdıcı zəlzələdən sonra 24 saat ərzində Tibet Muxtar Bölgəsindəki fəlakət bölgəsində 515 yeraltı təkan qeydə aldığını bildirib.
"Operativ Məlumat Mərkəzi-OMM" xəbər verir ki, bu barədə Çin Mərkəzi Televiziyası məlumat yayıb.
Şiqatse şəhəri ərazisində davam edən seysmik fəaliyyətin 95%-ə qədəri maqnitudası 3,0-dan az olan zəlzələlər olub. Bunlardan ən güclüsü 4,4 bal gücünə çatıb.
Yanvarın 7-də ABŞ Geoloji Xidməti Nepalla sərhəddə yerləşən Tibet Muxtar Bölgəsində 7,1 bal gücündə zəlzələnin baş verdiyini bildirib. Zəlzələnin episentri təxminən 80 min əhalisi olan Şiqatse şəhərindən 163 km cənub-qərbdə, ocağı isə 10 km dərinlikdə yerləşib.
Zəlzələ bir çox yaşayış binalarını və infrastrukturu sıradan çıxarıb. Axtarış-xilasetmə əməliyyatlarına 400-dən çox hərbçi cəlb olunub və insanlar təbii fəlakət bölgəsindən təxliyə edilib.
