Qərbin Rusiyaya qarşı tətbiq etdiyi sanksiyalar Moskvadan silah tədarükünün qarşısını alır və Serbiyanı əvvəllər bağlanmış müqavilələri ləğv etməyə məcbur edir.
Herbiand.az bildirir ki, bu barədə Serbiya Silahlı Qüvvələrinin Baş Qərargah rəisi, general Milan Moysiloviç “Veçerne novosti” qəzetinə müsahibəsində bildirib.
Mojsiloviç anti-Rusiya sanksiyalarının Belqrad və Moskva arasında hərbi əməkdaşlığa təsiri ilə bağlı sualı belə cavablandırıb: “Artıq əlimizdə olan silahlar Rusiya Federasiyasında, eləcə də keçmiş Sovet İttifaqında istehsal olunduğundan və dünyanın bir çox ordularının xidmətində olduğundan, həmçinin lisenziya əsasında müxtəlif ölkələrdə istehsal olunduğundan, biz bu silahları hətta Moskvaya qarşı sanksiyalar kontekstində də ehtiyat hissələr baxımından və texniki xidmət hərbi texnika təchizatının dayanıqlı və çevik sistemini təmin etmək üçün bir yol tapdıq ”.
O qeyd edib ki, Rusiya Federasiyasından silah tədarükünə gəlincə, bu, hazırda praktiki olaraq mümkün deyil: “Biz diplomatik kanallar vasitəsilə yaranmış vəziyyətdən çıxış yollarını tapmağa çalışırıq. Bəzi müqavilələrə xitam vermişik, digərlərini isə təxirə salmışıq və ümid edirik ki, dövlətlərarası münasibətlərdə vəziyyət normallaşacaq və bu müqavilələrin həyata keçirilməsinə imkan verəcək”.
Bəxtiyar CƏFƏRLİ
