Ermənistanda Baş nazir Nikol Paşinyanın da iştirak etdiyi hakim “Mülki müqavilə” Partiyasının iclasında dava düşüb.
Yeniavaz.com “Sputnik Ermənistan”a istinadla xəbər verir ki, dava deputat Hayk Sarkisyan və Tavuş vilayətinin qubernatoru Hayk Qalumyan arasında baş tutub.
“Münaqişəyə səbəb Sarkisyanın regionda qanunsuz meşələrin qırılması ilə bağlı bəyanatı olub. Deputat qubernatoru Tavuşda dalana dirənmiş ekoloji vəziyyət yaratmaqda ittiham edib. Təhqirlərlə müşayiət olunan söz davası əlbəyaxa davaya çevrilib. Hadisələri müşahidə edən baş nazir bir müddət sonra iclası tərk edib”, - nəşr yazıb.
