Naxçıvan Muxtar Respublikasının İqtisadiyyat Nazirliyindən verilən məlumata əsasən, Sahibkarlığın İnkişafı Fondu tərəfindən 2024-cü ildə 17,7 milyon manat güzəştli kreditlərin geri qaytarılması təmin edilib ki, bu da 2023-cü illə müqayisədə 2,9 dəfə çoxdur.
2024-cü ildə 11,0 milyon manat problemli kreditlərin qaytarılması təmin edilib ki, bu da 2023-cü illə müqayisədə 14,5 dəfə çoxdur.
Fondun ehtiyatlarının qalıq məbləği ilin əvvəli ilə müqayisədə 2,9 dəfə artaraq 1 yanvar 2025-ci il tarixə 19,2 milyon manat təşkil edib.
Ötən il Naxçıvanda 4,2 milyon manatdan çox güzəştli kredit verilib
2024-cü ildə Sahibkarlığın İnkişafı Fondu tərəfindən 38 layihənin maliyyələşdirilməsinə 4,2 milyon manatdan çox güzəştli şərtlərlə kredit verilib.
Güzəştli kreditlərin 73 faizi sənaye sektorunun, 21 faizi aqrar sektorun, 6 faizi xidmət sahələrinin inkişafına yönəldilib.
Naxçıvanda güzəştli maliyyələşmənin əhatə dairəsi genişlənib
2024-cü ildə sahibkarların maliyyə əlçatanlığının artırılması məqsədilə Sahibkarlığın İnkişafı Fondunun əməkdaşlıq etdiyi müvəkkil kredit təşkilatlarının sayı 2 dəfə artırılaraq 6-a çatdırılıb. Bu istiqamətdə 3 yeni kredit təşkilatı ilə işlər davam etdirilir.
