Qəzza zolağında vəziyyətin nizamlanması üzrə Doha danışıqlarında irəliləyiş əldə edilib, atəşkəs və əsir mübadiləsi haqqında saziş layihəsi İsrail və HƏMAS-a göndərilib.
“Report” xəbər verir ki, bu barədə “Reuters” agentliyi mənbəyə istinadən məlumat yayıb.
"Dohada irəliləyiş İsrail kəşfiyyatının rəhbəri, ABŞ-nin yeni seçilmiş prezidenti Donald Trampın Yaxın Şərq üzrə xüsusi nümayəndəsi (Stiv Uitkoff) və Qətərin baş naziri arasında aparılan danışıqlardan sonra əldə edilib", - o bildirib.
Danışıqlarda vasitəçi qismində çıxış edən Qətər atəşkəs və girovların azad edilməsi haqqında "yekun" saziş layihəsini İsrail və HƏMAS-a təqdim edib.
