Juninyonun transferi: AÄŸdam klubunun maliyyÉ™ itkisi olacaq

"Qarabağ"ın hücumçusu Juninyonun Braziliyanın "Flamenqo" klubuna keçidi gerçəkləşmək üzrədir.

Yenisabah.az qol.az-a istinadla xəbər verir ki, 28 yaşlı hücumçunun bu gün tibbi müayinədən keçəcəyi, daha sonra Rio təmsilçisi ilə müqavilə imzalayacağı gözlənilir.

İlkin məlumata görə, müqavilə 2028-ci ilin sonuna qədər imzalanacaq. 

Transfer üçün qarşı tərəfin Ağdam klubuna 5 milyon avro ödəyəcəyi iddia olunur. "Flamenqo"nun "Qarabağ"a ödəyəcəyi 5 milyon avronun hamısı heç də Ağdam klubuna çatmayacaq. Bunun səbəbi "Qarabağ"la Juninyonun əvvəlki klubu olan Portuqaliyanın "Şaveş" klubu arasında imzalanan müqavilədir.

Sözügedən müqavilə 2023-cü ilin yayında bağlanıb. Müqaviləyə əsasən, "Qarabağ" Portuqaliya klubuna 600 min avro ödəyərək Juninyonu heyətinə qatıb. 

Həmçinin müqavilədə yer alan bir bənddə əsasən, "Şaveş"in Juninyo üzərində müəyyən haqqı qalıb. Buna əsasən, "Qarabağ" Juninyonu başqa bir kluba satacağı halda qazanacağı gəlirin 15 faizini Portuqaliya təmsilçisinə ödəməlidir. Bu, 750 min avro deməkdir.Yəni  Ağdam klubuna 4 milyon 250 min avro çatacaq.