Küçəyə verilən ad sakinlərin etirazına səbəb oldu - Vayxır nədir? - FOTO

Yeni avtovağzalın yanında yerləşən "Motodrom" yaşayış massivində küçələrin birinə "Vayxır" adı verilib və bu adla lövhələr yerləşdirilib.

News365.az xəbər verir ki, məsələ sakinlərin etirazına səbəb olub. Belə ki, adın mənasını araşdıran sakinlər maraqlı iddialarla üzləşiblər.  Bu sözün mənası "huşsuz", "fərsiz" kimi izah edilir. 

Digər tərəfdən, Naxçıvanda yerləşən Vayxır kəndinin adının da xırlı torpaq mənasını verdiyi bildirilir, amma bunun da sözügedən ərazi ilə bir əlaqəsi yoxdur. Sakinlər bildirirlər ki, massivdə 4 şəhid var. Onlar həmin şəhidlərin adının verilməsini daha çox arzulayırlar.