Bakının Maştağa qəsəbəsi, Tofiq Kazımov küçəsində boru partlayıb, içməli su əraziyə axır.
Xezerxeber.az-ın məlumatına görə, ərazidə yaşayan sakinlər bildiriblər ki, problem aylardır həllini tapmır. Həmçinin yaxınlığa tullantıların atılması suyun çirklənməsinə səbəb olur. Bəzi evlərə isə ümumiyyətlə su gəlmir.
Vətəndaşlar aidiyyəti qurumlara müraciət etsələr də, heç bir nəticə yoxdur. Boruların köhnə olması problemi daha da artırır.
Məsələ ilə bağlı İri Şəhərlərin Birləşmiş Su Təchizatı Xidmətindən “Xəzər Xəbər”ə bildirildi ki, problemlə bağlı rayon sukanal idarəsi məlumatlandırılıb. Əraziyə ya bu gün axşam, ya da sabah baxış keçiriləcək. Vəziyyət qiymətləndiriləcək və bundan sonra istismar qaydalarına uyğun müvafiq tədbirlər görüləcək.
Xezerxeber.az mövzu ilə bağlı daha ətraflı videomaterialı təqdim edir.
