Balakənin Sarıbulaq kəndinin sakinləri su problemi yaşayırlar.
Xezerxeber.az-ın məlumatına görə, 2600 sakini olan yaşayış məntəqəsinin içməli su problemi kəndin yuxarı hissəsində quraşdırılmış su nasosunun nasaz olmasından qaynaqlanır.
Sakinlər deyirlər ki, artıq üçüncü dəfədir sıradan çıxan su nasosu əhalinin tələbatını ödəmək qabiliyyətində deyil.
Sakinlər ehtiyacları olan içməli suyu gətirmək üçün uzun məsafə qət etməli olurlar.
Balakən Su Meliorasiya Sistemlərinin İstismarı İdarəsindən bildirildi ki, vəziyyətdən xəbərdardırlar.
İdarədən o da qeyd edildi ki, yeni artezian quyusunun qazılması hazırda nəzərdə tutulmur. Ancaq bununla bağlı təklif hazırlanıb və aidiyyəti üzrə müraciət ediləcək.
Xezerxeber.az mövzu ilə bağlı daha ətraflı videomaterialı təqdim edir.
