İran prezidenti Məsud Pezeşkian bu gün Tacikistana səfər edib.
Modern.az İran KİV-nə istinadən xəbər verir ki, Tacikistanın paytaxtı Düşənbədə M.Pezeşkianı prezident Emomali Rahmon rəsmi törənlə qarşılayıb.
Mərasimdən sonra liderlərin təkbətək və nümayəndə heyətləri arası görüşləri keçirilib. Liderlərin bu gün birgə mətbuat konfransı keçirəcəyi gözlənilir.
Prezident Pezeşkianı Tacikistana səfərində böyük nümayəndə heyəti müşayiət edir.
Tacikistana getməzdən əvvəl səfərinin məqsədi ilə bağlı açıqlama verən Pezeşkian deyib: “Biz Tacikistan və Rusiya ilə ikitərəfli əlaqələri inkişaf etdirməyi hədəfləyirik. Kənd təsərrüfatı, mədənçıxarma, ticarət və nəqliyyat kimi müxtəlif sahələrdə əlaqələrimizi inkişaf etdirmək üçün danışıqlar aparacağıq".
