İsrailin baş naziri Benyamin Netanyahu ABŞ-nin yeni seçilmiş prezidenti Donald Trampla telefonla danışıb...
Poliqon xəbər verir ki, bu barədə İsrail hökumətinin başçısının ofisi məlumat yayıb.
“Baş nazir ABŞ-ın yeni seçilmiş prezidenti Trampa Qəzza zolağında saxlanılan girovların azad edilməsində göstərdiyi köməyə və İsrailə onlarla girov və onların ailələrinin iztirablarına son qoymasına kömək etdiyinə görə təşəkkür edib. Baş nazir bütün girovların istənilən yolla geri qaytarılmasına dair öhdəliyini açıq şəkildə ifadə edib və Trampın Qəzzanın bir daha heç vaxt terrorizm üçün təhlükəsiz sığınacaq olmamasını təmin etmək üçün ABŞ-nin İsraillə çalışacağına dair bəyanatlarını alqışlayıb”, deyə bəyanatda bildirilir.
İsrailin baş nazirinin ofisindən həmçinin bildiriblər ki, tərəflər Qəzza ətrafındakı vəziyyəti və digər mühüm məsələləri müzakirə etmək üçün tezliklə Vaşinqtonda görüş keçirməyə razılaşıblar.
“Bunun ardınca Netanyahu ABŞ-nin hazırkı prezidenti Co Baydenə zəng edib və həmçinin girovla bağlı razılaşmanı irəli sürdüyünə görə ona təşəkkür edib”, deyə ofisin məlumatında qeyd edilir.
Poliqon.info
