Dövlət Kamera Orkestrinin konserti keçirilib

M.Maqomayev adına Azərbaycan Dövlət Akademik Filarmoniyasında Q.Qarayev adına Azərbaycan Dövlət Kamera Orkestrinin konserti keçirilib. Öncəliklə sənətşünaslıq üzrə fəlsəfə doktoru, musiqişünas Alyona İnyakina dinləyiciləri konsertlə bağlı məlumatlandırıb.

Bədii rəhbər və baş dirijor Azərbaycan Respublikasının Xalq artisti Fəxrəddin Kərimovun rəhbərliyi, Q.Qarayev adına Azərbaycan Dövlət Kamera Orkestrinin müşayiəti ilə solist - Respublika və beynəlxalq müsabiqələr laureatı Şərif Bağırov (klarnet) dinləyicilər qarşısında çıxış edib.

Proqramda S.Barber simlilər üçün serenada (op.11), W.A.Mozart klarnet və orkestr üçün konsert A-dur, R.Fuchs 1 nömrəli serenada D-dur (Bakıda ilk ifa), D.Şostakoviç prelüd və skerso (op.11) səslənib.

İnformasiya dəstəyi - Trend.Az, Day.Az, Milli.Az