BMT baş katibinin humanitar məsələlər üzrə müavini Tom Fletçer dünya qurumunun Təhlükəsizlik Şurasını İsrail və Fələstinin HƏMAS hərəkatı arasındakı razılaşmada nəzərdə tutulan atəşkəs rejiminin qorunmasında israrlı olmağa çağırıb. BMT-nin Humanitar Məsələlərin Əlaqələndirilməsi Ofisinin (OCHA) saytında dərc olunmuş bəyanatında o qeyd edib ki, saziş münaqişədən zərər çəkən milyonlarla insana ümid verir.“Biz Təhlükəsizlik Şurasını atəşkəsin qorunub saxlanması, beynəlxalq hüququn qorunub saxlanması və insanların həyatını xilas etmək üçün maneələrin aradan qaldırılmasında təkid etmək üçün öz kollektiv səsindən və çəkisindən istifadə etməyə çağırırıq”, - deyə Fletçer bildirib. BMT baş katibinin müavini qeyd edib ki, humanitar qurumlar zərər çəkmiş əhaliyə yardımı artırmağa hazırdır. "Biz işimiz üçün əhəmiyyətli təhlükəsizlik və siyasi problemlərə baxmayaraq, bu anın tələb etdiyi ambisiya, yaradıcılıq və təcili cavab vermək üçün əlimizdən gələni edəcəyik. Həyatları xilas etməkdə bizə kömək etmək üçün bütün tərəfləri beynəlxalq humanitar hüquqa tam hörmət etməyə çağırırıq” - deyə Fletçer vurğulayıb.
