Rusiya prezidenti Vladimir Putinlə ABŞ-ın yeni seçilmiş prezidenti Donald Trampın görüşünə hazırlıqla bağlı Moskva və Vaşinqton arasında hələ heç bir əlaqə yoxdur.
NOCOMMENT.az xəbər verir ki, bu barədə Rusiya liderinin köməkçisi Yuri Uşakov məlumat verib.
“Prezidentimiz dəfələrlə deyib ki, biz dialoqa hazırıq. Siqnalların nə vaxt olacağını sakitcə gözləyirik”, – deyə o vurğulayıb.
O qeyd edib ki, görüşdən əvvəl Ağ Evlə Rusiya prezidenti administrasiyası arasında qapalı formatda təmaslar olacaq.
“Sonra dialoqun gələcək inkişafı ilə bağlı məsələlər, o cümlədən ən yüksək səviyyədə mümkün söhbət həll olunacaq”, – deyə Uşakov bildirib.
