Yaponiyada başlayan və bütün dünyaya yayılan Hikikomori sindromu fərdlərin uzun müddət sosial həyatdan uzaqlaşması və tamamilə təcrid olunması ilə xarakterizə edilir. Xüsusilə gənc yetkinlər arasında geniş yayılmış bu vəziyyət, həm fərdi, həm də sosial baxımdan ciddi nəticələrə səbəb olur.
Bu sindromun dəqiq səbəbləri tam müəyyən edilməsə də, aşağıdakı faktorların rol oynadığı düşünülür:
Sosial təzyiq və rəqabət: Yüksək akademik və peşə gözləntiləri uğursuzluq qorxusunu artırır.
Ailə münasibətləri: Həddindən artıq qoruyucu və ya avtoritar valideyn yanaşmaları fərdin özünəinamını zəiflədə bilər.
Psixoloji problemlər: Depressiya və anksiyete bu vəziyyətin yaranmasına səbəb ola bilər.
Texnologiyanın təsiri: İnternet və sosial media asılılığı real həyatdan uzaqlaşmaya gətirib çıxarır.
Hikikomori Sindromunun Əlamətləri
Hikikomori olan şəxslərdə aşağıdakı əlamətlər müşahidə oluna bilər:
Tam sosial təcrid: Evdən çıxmamaq, dostlarla görüşməmək.
İnternet və oyun asılılığı: Virtual dünyada həddən artıq vaxt keçirmək.
Depressiya və anksiyete: Kədər, ümidsizlik və qorxu hissləri.
Yuxu və yemək pozğunluqları: Yuxusuzluq və ya həddindən artıq yatmaq, iştahsızlıq və ya normadan çox yemək.
Hikikomori Sindromunun Müalicəsi
Müalicə fərdin vəziyyətinə görə dəyişir və əsasən aşağıdakı üsulları əhatə edir:
Psixoterapiya: Sosial bacarıqları inkişaf etdirmək üçün fərdi və qrup terapiyaları.
Ailə terapiyası: Ailələrin düzgün ünsiyyət qurmasını təmin etmək.
Dərman müalicəsi: Depressiya və anksiyetenin idarə olunması üçün dərmanlar.
Sosial reabilitasiya: Fərdi cəmiyyətə və iş həyatına qaytarmaq üçün xüsusi proqramlar.
Hikikomori Qlobal Problemə Çevrilir
Yaponiyada geniş yayılmış bu sindrom artıq Türkiyə və digər ölkələrdə də müşahidə olunmaqdadır. Erkən diaqnoz və müalicə ilə bu vəziyyəti aradan qaldırmaq mümkündür.
Siz və ya yaxınlarınızda oxşar simptomlar varsa, mütəxəssis dəstəyi almaq vacibdir.//Milli.az
