ABŞ prezidenti Co Bayden Trampın siyasətlərinə zidd olan qanun layihələri hazırlayır.
Reportyor.tv xəbər verir ki, bu barədə "Washington Post" qəzeti Amerika administrasiyasındakı mənbələrə istinadən yazır.
Bildirilib ki, Bayden səlahiyyət müddəti başa çatmamış Donald Trampın bəyənmədiyi insanları əfv edə bilər. Həmçinin hazırkı lider Trampın gəlişindən əvvəl işçilər üçün bonuslar haqqında qanun layihəsi hazırlayır.
Nəşr yazır ki, Bayden gələcək rəhbərin siyasətinə zidd iş görür.
“Bayden səlahiyyət müddəti bitmədən ABŞ-ın seçilmiş prezidenti Donald Trampın gözündən düşmək riski olan şəxsləri qabaqcadan əfv edə bilər. Təxminən 14 500 işçiyə 12% maaş bonusunun verilməsi layihəsi qüvvəyə minəndə Trampın gələn administrasiyası da xoşagəlməz sürprizlə üzləşəcək”, - material müəllifləri qeyd ediblər.
Nəşrin yazdığına görə, bir çox administrasiya rəsmiləri artıq Trampın andiçmə mərasimi ərəfəsində toplaşsalar da, Baydenin qalan vaxtdan bir sıra digər mühüm icra sərəncamlarını imzalamaq üçün istifadə edəcəyi gözlənilir. Xüsusilə, gender ayrı-seçkiliyinə qarşı tədbirlər görməyi planlaşdırır.
Tramp inauqurasiyasından sonra Baydenin bir sıra məhbuslara verdiyi amnistiyanı ləğv edə bilməyəcək. Jurnalistlərin dediyinə görə, o, El Salvador, Venesuela və başqa yerlərdən gələn mühacirlərə verilən müvəqqəti müdafiələrə son qoymağa çalışarsa, hüquqi problemlərlə üzləşəcək.
Daha əvvəl amerikalı jurnalistlər Baydenin Ağ Evdən bir sıra məxfi sənədləri götürdüyünü yazmışdılar. Həmin sənədlər yük maşınları ilə saraydan çıxarılıb. Bir gün əvvəl isə o, vida nitqi söyləyib.
Qeyd edək ki, Donald Tramp yanvarın 20-də inauqurasiya mərasimindən sonra ABŞ-ın rəsmi prezidenti olacaq. O, Kapitolidə and içəcək və çıxış edəcək.
Publika.az
