İsrailin ifrat sağçı milli təhlükəsizlik naziri İtamar Ben-Qvir hökumətin ABŞ, Misir və Qətərin vasitəçiliyi ilə Qəzza zolağında atəşkəs razılaşmasını təsdiqləyəcəyi təqdirdə istefa verəcəyini bildirib. Razılaşmanı tənqid edən İtamar Ben-Qvir bunun İsrailin müharibə nailiyyətlərini zəiflədəcəyini iddia edib. Siyasi gərginliyə baxmayaraq, parlamentdə Baş nazir Benyamin Netanyahuya dəstək verənlərin sayı çoxdur. ABŞ rəsmiləri isə atəşkəsin bazar günü qüvvəyə minəcəyini gözləyirlər.
