Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün qış fasiləsinə yekun vurulub.
Arena.az xəbər verir ki, üçüncü dövrənin və 19-cu turun ilk oyunu Bakıda keçirilib.
2025-ci ilə təsadüf edən ilk qarşılaşmada lider və son çempion “Qarabağ” “Şamaxı”nı qəbul edib.
“Qarabağ” bu qış fasiləsində hələlik heç bir transfer həyata keçirməyib. Əvəzində Ağdam klubunun əsas qol silahı Olavio Juninyo Braziliyanın “Flamenqo” klubuna keçib. “Şamaxı” isə bu qış fasiləsi dönəmində transfer bazarının ən fəal Azərbaycan klubudur. Əyalət təmsilçisi Ramin Əhmədov, Qurban Səfərov, Zahid Mərdanov və Conatan Benteke ilə vidalaşdığı halda, Edqar Adilxanovla yeni müqavilə bağlayıb. Üstəlik, əyalət klubu Cəlal Hüseynov, Murad Vəliyev, Vüsal Məsimov, Andrey Tırkovyanu, Alfons Mabula Msanqa və Vladislav Veremeyev kimi oyunçularla güclənib.
Bütün bunlara baxmayaraq, “Qarabağ” “Şamaxı” ilə görüşdə yenə favorit hesab olunurdu. Ağdam klubu bir qədər çətinliklə üzləşsə də, yeni ilin ilk görüşündən qələbə ilə ayrılmağı bacarıb.
Premyer Liqa
3-cü dövrə, 19-cu tur
17 yanvar
“Qarabağ” – “Şamaxı” 3:2
Qollar: Nəriman Axundzadə, 4. A.Kaşuk, 29. Cəlal Hüseynov, 72-öz qapısına – Belaydi Puso, 14. Brahim Konate, 39.
Hakimlər: Elçin Məsiyev, Pərvin Talıbov, Asiman Əzizli, Fərid Hacıyev.
VAR: Nicat İsmayıllı.
AVAR: Eyyub İbrahimov.
Hakim-inspektor: Babək Quliyev.
Bakı. Tofiq Bəhramov adına Respublika stadionu.
Qarabağ: 1. Şahrudin Məhəmmədəliyev (k), 30. Abbas Hüseynov, 27. Toral Bayramov, 90. Nəriman Axundzadə, 81. Kevin Medina, 8. Marko Yankoviç, 2. Mateus Silva, 6. Julio Romao, 15. Leandro Andrade, 21. Aleksey Kaşuk, 11. Emmanuel Addai.
Ehtiyat oyunçular: 97. Fabian Buntiç, 2. Mateus Koxalski, 20. Riçard Almeyda, 24. Aleksey İsayev, 13. Bəhlul Mustafazadə, 44. Elvin Cəfərquliyev, 22. Musa Qurbanlı, 29. Marko Veşoviç, 10. Abdullah Zubir, 66. Patrik Andrade, 19. Redon Cica.
Baş məşqçi: Qurban Qurbanov.
Şamaxı: 1. Rikardo Fernandes, 17. Rafael Məhərrəmli, 5. Arsen Ağcabəyov (k), 18. Cəlal Hüseynov, 6. Rauf Rüstəmli, 82. Rüfət Abbasov, 24. Edqar Adilxanov, 93. Brahim Konate, 30. Andrey Tırkovyanu, 9. Belaydi Pusi, 66. Vasili Bakiç.
Ehtiyat oyunçular: 85. Kamal Bayramov, 62. Abdulla Seydəhmədov, 60. Səbayıl Bağırov, 10. Emin Zamanov, 14. Vüsal Məsimov, 23. Murad Vəliyev, 19. Fəxri Məmmədli, 89. Cəfər Muxtarov, 12. Maykl Tuik, 32. Vasiliye Radenoviç, 3. Vladislav Veremeyev.
Baş məşqçi: Ayxan Abbasov.
