“Real Madrid”in gənc hücumçusu Endrik cari mövsüm “Kral klubu”ndakı çıxışı barədə danışıb.
7Times.az xəbər verir ki, onun sözlərini tanınmış insayder Fabritsio Romano şəxsi “X” hesabı üzərindən belə çatdırıb:
“İndikindən çox oynayacağımı gözləmirdim. Baş məşqçimiz Karlo Ançelotti nə etdiyini bilir. O, mənim yox, komandanın mənafeini nəzərə alır və ən yaxşısını edir. Komandaya Kilian, Vini və ya Rodriqo lazımdırsa, onlar heyətdə yer alırlar. Yox, bu Arda Gülərdirsə, ona, mənəmsə, mənə şans verir”.
18 yaşlı Endrik ötən ilin iyul ayından “Real”da çıxış edir. Bu mövsüm İspaniya nəhənginin forması ilə 17 matça çıxan braziliyalı 4 qol və 1 məhsuldar ötürmə ilə yadda qalıb. O, ümumilikdə 291 dəqiqə meydanda olub.
Fanat.Az
