Bakı, 18 yanvar, AZƏRTAC
Bu gün futbol üzrə Misli Premyer Liqasında XIX turun növbəti oyunları keçiriləcək.
AZƏRTAC xəbər verir ki, günün ilk qarşılaşmasında "Zirə" Zirə İdman Kompleksinin stadionunda "Araz-Naxçıvan"ı qəbul edəcək. Əliyar Ağayevin idarə edəcəyi görüş saat 16:00-da start götürəcək.
Mehdi Hüseynzadə adına Sumqayıt şəhər stadionunda isə "Sumqayıt" və "Səbail" komandaları üz-üzə gələcəklər. İnqilab Məmmədovun baş hakimi olacağı matç saat 18:30-da başlayacaq.
Naxçıvan təmsilçisi hazırda turnir cədvəlində 39 xalla ikinci, "Zirə" 30 xalla dördüncü pillədə qərarlaşıb. Aktivində 20 xalı olan "kimyaçılar" altıncı, 9 xala malik "Səbail" isə sonuncu - onuncu sırada yer alıb.
Qeyd edək ki, turun ötən gün keçirilmiş açılış matçında "Qarabağ" "Şamaxı"ya 3:2 hesabı ilə qalib gəlib.
