Musavat.com xəbər verir ki, "Baku TV"-nin canlı yayımında Gürcüstan-Azərbaycan münasibətləri müzakirə olunur. Verilişdə hər iki ölkə arasındakı strateji tərəfdaşlıq və dostluq münasibətlərinin inkişafı əsas mövzu kimi diqqət mərkəzindədir.
Bəlli olduğu kimi, Gürcüstan və Azərbaycan arasındakı əlaqələr yüksələn xətlə inkişaf edir. Gürcüstanın Baş naziri İrakli Kobaxidzenin Bakıya son səfəri zamanı nümayiş olunan dostluq mənzərəsi bunu bir daha təsdiq edir. Hər iki ölkə təkcə mehriban qonşular deyil, eyni zamanda strateji müttəfiqdirlər. Gürcüstan-Azərbaycan münasibətləri xüsusilə 44 günlük Vətən müharibəsi dövründə daha da güclənmiş və etibarlı tərəfdaşlıq səviyyəsinə yüksəlmişdir.
Canlı yayımda bu məsələlər "Yeni Müsavat" Media Qrupunun rəhbəri Rauf Arifoğlu, tanınmış politoloq Elşad Həsənov və Mətbuat Şurası İdarə Heyətinin üzvü Yeganə Hacıyeva tərəfindən müzakirə olunur. Verilişin aparıcısı isə təcrübəli jurnalist Elçin Əlbəylidir.
Müzakirələrdə Gürcüstan-Azərbaycan əlaqələrinin siyasi, iqtisadi və mədəni aspektləri təhlil olunur, gələcək əməkdaşlıq perspektivləri ətrafında fikir mübadiləsi aparılır.
Musavat.com
