Qazaxıstan prezidenti Kasım-Jomart Tokayevin 2019-cu ildən bəri başlatdığı Təmiz Qazaxıstan kampaniyasında təxminən 6,2 milyon insan iştirak edib.
Hafta.az-ın yazdığına görə, dünən keçirilən kabinet iclasında çıxış edən Qazaxıstanın Ekologiya və Təbii Sərvətlər naziri Yerlan Nisanbayev kampaniya ilə bağlı açıqlamalar verib. Nazir Nisanbayev “Təmiz Qazaxıstan Kampaniyası” çərçivəsində 1,1 milyon ton tullantı yığıldığını və təxminən 1,6 milyon ağac əkdiyini bildirib.
Bundan əlavə, Qazaxıstan Baş Nazirliyinin mətbuat xidmətinin məlumatına görə, tətbiq zamanı iştirakçılar Qazaxıstanın müxtəlif bölgələrində böyük təmizləmə kampaniyaları təşkil ediblər. Bu fəaliyyətlər çərçivəsində bağlar və həyətyanı sahələr təmizlənib, tarix və mədəniyyət abidələri abadlaşdırılıb, həyətyanı ərazilərin səliqəyə salınması və təmizlənməsinə köməklik göstərilib, çayların və su anbarlarının sahillərindəki zibillər toplanılıb.
Bundan əlavə, kampaniya çərçivəsində çalışan vətəndaşların bir-biri ilə ünsiyyət qura bilməsi üçün @TazaQazBot adlı çat botu hazırlanıb. @TazaQazBot vasitəsilə vətəndaşlar şəhər və ekoloji problemlərin həllinə cəlb olunurlar.
Çat botu vasitəsilə 10 mindən çox müraciət daxil olub və onlardan təxminən 9700-ü tamamlanıb.
