Türkiyənin Bolu vilayətində yerləşən Kartalkaya xizək mərkəzində 12 mərtəbəli hoteldə baş verən yanğında 76 nəfər həyatını itirib, onlarla insan yaralanıb.
Ölkənin daxili işlər naziri Ali Yerlikaya bildirib ki, 12 mərtəbəli hoteldə 238 qonaq qeydiyyatdan keçib. Səhiyyə naziri Kamal Memişoğlu yaralılardan bəzilərinin evə buraxıldığını bildirib.
Kartalkayada oteldə yanğın: 76 nəfərin həyatını itirdiyi yanğınla bağlı 9 nəfər saxlanılıb
Yanğın zamanı ölən 76 nəfərin kimliyi hələlik açıqlanmayıb. Yerlikaya 52 nəfərin şəxsiyyətinin müəyyən edildiyini, digər şəxslərin kimliyini müəyyən etmək üçün məhkəmə tibb müəssisələrində DNT araşdırmalarının aparıldığını deyib.
Modern.az-ın məlumatına görə, indiyədək ölümləri təsdiqlənən bəzi şəxslərin kimliyi məlum olub.
Həyatını itirənlər arasında “Fənərbaxça” İdman Klubunun üzgüçülük şöbəsi idmançısı Vedia Nil Apak və anası Ferda Apak da var. "Fənərbaxça" Apakın ölüm xəbərini sosial media hesabları vasitəsilə açıqlayıb və onlarınyaxınlarına başsağlığı verib.
Klub rəhbərliyi, həmçinin Bolu Fənərbaxça Tərəfdarları Dərnəyinin sədr müavini Rıfat Doğanın həyat yoldaşı Ceren Yaman Doğan və qızı Lalin Doğanın da dünyasını dəyişdiyini bildirib.
Özyeğin Universitetinin biznes idarəetmə fakültəsinin dekanı professor Atakan Yalçın və qızı Elif Derin Yalçın da həyatını itirənlər arasındadırlar.
Hadisə nəticəsində tanınmış aşpaz Eslem Uyanık da dünyasını dəyişib.
TED İstanbul Kollecinin 9-cu sinif şagirdləri Alican Boduroğlu, Elif Nas Boduroğlu və anası Ebru Boduroğlu, TED Ankara Kollecinin 10-cu sinif şagirdi Eren Bağcı da həlak olubar. İELEV məktəbinin şagirdi Pelin Doğan, anası Burcu Güngör, atası Kıvanç Güngör və qardaşı Kerem Güngör vəfat etdiyi açıqlanıb.
Tarsus Amerikan Kolleci məzunlarından Nihat Arıkanın nəvəsi Ömür Kotan və məzunlarından Mert Doğan, həyat yoldaşı Duyqu Doğan, övladları Mavi və Doğa Doğanın vəfat etdiyini açıqlayıb.
“Sözcü” qəzetinin yazarlarından Nedim Türkmen, həyat yoldaşı Ayşe Neva Türkmen və iki uşağı yanğında həyatını itirib. Nedim Türkmenin qızı, 12-ci sinif şagirdi Ala Dora Türkmenin təhsil aldığı SEV Amerika Kolleci başsağlığı verib.
“Oyak Sement Zavodları” şirkətinin Bolu fabrikinin direktoru Mehmet Cem Doğanın vəfat etdiyi açıqlanıb. “Vicat Türkiye” sement şirkətinin keyfiyyətə nəzarət üzrə direktoru Ayşemin Elif Doğan və qızı Ayşe Maya Doğanın da öldüyü bildirilir. “Asır Qrup” adlı şirkətin qurucularından olan iş adamı Bilal Gültekinin həyat yoldaşı, üç uşağı və iki qardaşı ilə birlikdə dünyasını dəyişdiyi məlum olub. “Inovat Energy Storage Solutions” şirkətinin iki meneceri, şirkətin baş direktoru Can Tokcan və onun qardaşı, satış meneceri Atıl Enis Tokcan, uşaqları Kemal Tokcan və Atlas Kaan Tokcanın həyatını itirdiyi açıqlanıb.
“Türk Hava Yolları” şirkətin əməkdaşı Zehra Sena Gültekinin əri və uşaqları ilə birlikdə dünyasını dəyişdiyini təsdiqləyib. Zehra Gültəkin və həyat yoldaşı Bilal Gültəkin üç azyaşlı oğlu ilə birlikdə oteldə olublar.
