Hindistanın qərbindəki Maharaştra ştatında qatarda yalançı yanğın xəbərinin sərnişinlər arasında çaxnaşma yaratmasından sonra 12 nəfər ölüb. onlardan bəziləri vaqonlarından tullanıb və bitişik relslərdə hərəkət edən başqa bir qatara çırpılıb. AFN.az yerli mediaya istinadən xəbər verir ki, bu barədə hökumət rəsmiləri məlumat yayıb.Qəza Mumbaydan 400 km aralıda baş verib. "İlkin məlumata görə, "Puşpak Ekspress"in vaqonlarından birinin içərisində qığılcımlar yaranıb və bəzi sərnişinlər panikaya düşüblər. Onlar təcili dayandırma zəncirini çəkiblər, bəziləri isə relslərə tullanıb. Bu zaman "Karnataka Ekspresi" bitişik yoldan keçirmiş" - deyə yerli rəsmilər mediaya bildiriblər.Hadisə yerinə təcili xilasetmə qatarı göndərilib. Jalgaon polisinin sözçüsü Mahesuar Reddy jurnalistlərə bildirib ki, 12 nəfər həlak olub. Daha bir neçə nəfər yaralanıb.
