"Qarabağ" "Real"ın və "Sevilya"nın sabiq üzvünü transfer etməkdən imtina etdi

Bir müddət öncə "Real"ın sabiq üzvü Mariano Diazın karyerasını Azərbaycanda davam etdirə biləcəyini diqqətinizə çatdırmışdıq.

Offsideplus.az xəbər verir ki, Dominikan Respublikasından olan futbolçunun təklif olunduğu klubun adı bəlli olub. Söhbət "Qarabağ"dan gedir. Agentlər 31 yaşlı forvardı Ağdam təmsilçisinə təklif edib. Lakin klub oyunçunu transfer etməkdən imtina edib.

Qeyd edək ki, Mariano Diaz son olaraq "Sevilya"da çıxış edib. Hücumçu karyerası ərzində 238 matçda 84 qol vurub, 13 məhsuldar ötürmə edib. Forvard "Real", "Sevilya" kimi klublarda çıxış edib.