"Qarabağ" üçün ölüm-dirim matçı: Qələbədən başqa şansı yoxdur

 

\"Play off\" mərhələsinə yüksəlmək üçün sonuncu şansından istifadə edəcək Ağdam təmsilçisinin qələbə qazanmaqdan başqa şansı yoxdur.

 

Baş tutacaq oyunla bağlı AZXEBER.COM-a açıqlama verən idman mütəxəssis Kənan Məstəliyev bu oyunun \"Qarabağ\"ın \"play off\"a yüksəlməsi üçün sonuncu şansının olduğunu bildirib:

 

\"Axşamki matç \"Qarabağ\"ın \"play off\"a yüksəlməsi baxımından son şans və son mərhələdir. Oyunda məğlubiyyət və yaxud da heç-heçə olarsa onsuz da az olan \"paly off\" şansı sıfıra enəcək. Ona görə də \"Qarabağ\" qalib gəlməyə məcburdur. Juninionun gedişindən sonra və komandada olan oyunçuların zədəli olması komanda üçün problemlər yaşada bilər. Ancaq bütün bunlara baxmayaraq \"Qarabağ\" bunun öhtəsindən gələ biləcək sistemli komandadadır. \"Qarabağ\"ın kollektiv oyunu alındıqda və \"Steao Buxarest\" kimi rəqibləri məğlub edəcək gücə malik klubdur. Onlar bunu əvvəlki illərdə də sübut edib. Düşünürəm ki, bu gün də bu nəticəni təkrarlaya bilərlər\". 

Rəqib komanda ilə bağlı fikir bildirən idman mütəxəssisi  onların ən xırda səhvi bağışlamayan komanda olduğunu vurğulayıb: \"\"Steao\" yaxşı rəqibdir. Ehtiyatında daha çox xal var. Onlar da kollektiv oyun nümayiş etdirirlər. Müdafiədən oynasalar da, daha çox orta xətt lazım olduqda müdafiəyə, hücuma kömək edə bilir. Balanslı komandadılar. Dünən mətbuat konfransında da \"Qarabağ\" futbol klubunun baş məşqçisi Qurban Qurbanovun da qeyd etditi kimi ən xırda səhvi bağışlayan komanda deyillər. Düşünürəm ki, \"Qarabağ\" bugünkü qarşılaşmada ehtiyatlı, diqqətli olmalıdır. Çox riskə getməyərək öz şansını gözləyərək oynamalıdır. Əsas odur ki, komanda bu gün baş tutacaq oyundan nəticə əldə etsin. Hesabın heç bir fərqi yoxdur. Burada azarkeşlərin də dəstəyinə ehtiyac var. Çətin məqamda komandanın yanında olmalıdırlar. Belə olduğu halda, düşünürəm ki, komanda oyundan qalibiyyətlə ayrılacaq\".

 

Qeyd edək ki, qarşılaşma saat 21:45-də Tofiq Bəhramov adına Respublika stadionunda baş tutacaq.