Azərbaycanın bədii gimnastika hakimlərinin kateqoriyaları bəlli olub.
İdman.biz xəbər verir ki, Azərbaycan Gimnastika Federasiyası beynəlxalq hakimlik kurslarında yüksək nəticə göstərmiş hakimlərin siyahısını açıqlayıb.
Vəfa Bəkərova həm fərdi, həm qrup hərəkətləri yarışlarına 2-ci kateqoriyalı ədalət təmsilçisi kimi qatılacaq. Ləman Hacızadə, Züleyxa İsmayılova, Elnarə Hüseynova, Aysel Həsənova, Kamil Quliyev, Nəzrin Cəfərzadə və Nigar Musazadə isə hər iki növ yarışlarda 3-cü kateqoriyalı hakim ola biləcək.
Aleksandra Reyş fərdi yarışlarda 2-ci, qrup hərəkətlərində 3-cü dərəcəyə malikdir. Ayna Məmmədova və Nəzirəxanım Fərədova fərdidə 3-cü, qrupda 4-cü dərəcə alıb.
Üç hakimimiz isə yalnız bir növ yarışlara qatıla biləcək. Gülsüm Əsədova fərdi, Səbinə Hacıyeva qruplarda 3-cü kateqoriya alıb. Siyasət Əmiraslanova qrup yarışlarında 4-cü dərəcəyə layiq görülüb.
İdman.biz
