Oğuzda yol qəzası olub.
APA-nın Şimal-qərb bürosunun məlumatına görə, hadisə axşam saat 17 radələrində Qaramətyəm-İsmayıllı-Şəki avtomobil yolunun Oğuz rayonu Yaqublu kəndi ərazisindən keçən hisssəində baş verib. Migəçevir şəhər sakini 31 yaşlı Afiq Bilal oğlu Hacıyevin idarə etdiyi “VAZ 2106” markalı minik avtomobili hərəkətdə olarkən idarəetmədən çıxaraq yolun kənarındakı ağaca çırpılıb.
Hadisədən sonra avtomobil yolun kənarına aşıb. Hadisə zamanı xəsarət alan sürücü A. Hacıyev və avtomobildə olan sərnişin, 21 yaşlı Fatimə Natiq qızı Məmmədli aldıqları müxtəlif dərəcəli bədən xəsarətlər ilə Oğuz Rayon Mərkəzi Xəstəxanasının (RMX) Təcili Tibbi Yardım şöbəsinə yerləşdirliblər. Yaralılardan sürücü A. Hacıyev müayinə olunmaq üçün Şəki RMX-a göndərilib.
Faktla bağlı araşdırma aparılır.
