Moskvaətrafı Sergiev Posad rayonunda hava hücumundan müdafiə sistemləri təyyarə tipli pilotsuz uçuş aparatının (PUA) hücumunu dəf edib.
Herbiand.az xəbər verir ki, bu barədə rayon administrasiyasının Telegram kanalında məlumat verilib.
"Müdafiə Nazirliyinin Hava Hücumundan Müdafiə Qoşunları Serqiyev Posad şəhər rayonunda təyyarə tipli PUA-nın hücumunu dəf edib. Fövqəladə Hallar Nazirliyinin mütəxəssisləri hadisə yerində işləyir. Dağıntı və tələfat yoxdur".
Rusiya Müdafiə Nazirliyi daha əvvəl bildirmişdi ki, bir gecədə hava hücumundan müdafiə sistemləri ölkənin 13 regionunda 121 Ukrayna pilotsuz uçan aparatını, o cümlədən Moskva vilayəti ərazisi üzərində altı hava hədəfini məhv edib.
