Yaponiya hökuməti ABŞ-la sıx əməkdaşlıq edərək nüvə silahı olmayan dünyaya nail olmaq üçün öz səylərini gücləndirir. Bunu Yaponiya Nazirlər Kabinetinin baş katibi Yoşimasa Hayaşi prezident Donald Trampın Rusiya, ABŞ və Çinin nüvə arsenallarının ixtisarının mümkünlüyü barədə sözlərini şərh edərkən deyib.
"Biz prezident Trampın bu mövzuda bəyanatlarından xəbərdarıq. Biz həmişə ABŞ, Rusiya və Çin də daxil olmaqla dövlətlərin silahlara nəzarət və tərksilahla bağlı təşəbbüslərini vacib hesab etmişik", - o qeyd edib. Hayaşi vurğulayıb ki, Yaponiya öz növbəsində “ABŞ ilə sıx əməkdaşlıq şəraitində” nüvə silahı olmayan dünyaya nail olmaq üçün öz real təşəbbüslərini gücləndirəcək.
Bundan əvvəl ABŞ Prezidenti Donald Tramp Davosda Dünya İqtisadi Forumunun iştirakçıları ilə videobağlantı vasitəsilə çıxış edərək, Rusiya, ABŞ və Çinin nüvə arsenallarının azaldılmasını görmək istədiyini və bunun üçün yaxşı şansın olduğuna inandığını bildirib. Tramp 2024-cü ildə Rusiya prezidenti Vladimir Putinlə “iki ölkənin nüvə arsenalının azaldılması”nı müzakirə etdiyini qeyd edərək, “Çin də belə bir təşəbbüslə razılaşacağını” bildirib.
Oxuminı.az
