Birləşmiş Ştatlar 2024-cü maliyyə ilində digər ölkələrə rekord məbləğdə – 318,7 milyard dollarlıq silah və hərbi texnika tədarük edib. Dövlət Departamentinin “2024-cü maliyyə ilində ABŞ-ın silah köçürmələri və müdafiə ticarəti” adlı hesabatına əsasən bu aşıqlanıb.
Qaynarinfo-nun məlumatına görə, sənəddə göstərilir ki, hökumətlərarası Xarici Hərbi Satış (FMS) proqramı çərçivəsində rekord 117,9 milyard dollarlıq satış həyata keçirilib.
Bu, 2023-cü maliyyə ilindəki 80,9 milyard dollarla müqayisədə 45,7% artım deməkdir. Bu, bu proqramın tarixində ən yüksək illik göstəricidir.
Birbaşa silah satışı keçən maliyyə ilində 2023-cü il hədəfindən (157,5 milyard dollar) 27,5% artaraq 200,8 milyard dollara çatıb.
Dövlət Departamentinin məlumatına görə, ümumi məbləğ ABŞ tərəfdaşları və müttəfiqləri tərəfindən maliyyələşdirilən və ümumi dəyəri 96,9 milyard dollar olan silah satışlarından ibarət olub.
Qeyd edilir ki, 2022-2024-cü illər üçün FMS proqramı çərçivəsində üç illik orta silah satışının həcmi 2021-2023-cü illərdəki 55,9 milyard dollarla müqayisədə 49,6% artaraq 83,6 milyard dollara çatıb.
