Bu gün Misli Premyer Liqasında 20-ci tura yekun vurulacaq.
Offsideplus.az xəbər verir ki, sonuncu - 3-cü oyun günündə 2 matç keçiriləcək.
Əvvəlcə "Araz-Naxçıvan" "Neftçi"ni qəbul edəcək. Görüş saat 16:00-da başlayacaq.
Hazırda turnir cədvəlində "Araz-Naxçıvan" 39 xalla 2-ci, "Neftçi" isə 18 xalla 7-cidir.
Bu komandalar arasında 1-ci dövrənin oyununda 1:1 hesablı heç-heçə qeydə alınıb. 2-ci dövrənin matçında isə Naxçıvan təmsilçisi 1:0 hesabı ilə qalib gəlib.
Qeyd edək ki, 20-ci tura bu gün keçiriləcək “Qarabağ” – “Turan Tovuz” oyunu ilə yekun vurulacaq.
26 yanvar (bazar)
16:00. “Araz-Naxçıvan” – “Neftçi”
Hakimlər: Rauf Cabarov, Zöhrab Abbasov, Teymur Teymurov, Elvin Bayramov
VAR: İnqilab Məmmədov
AVAR: Namiq Hüseynov
“Liv Bona Dea Arena”
18:30. “Qarabağ” – “Turan Tovuz”
Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov
VAR: Əliyar Ağayev
AVAR: Zeynal Zeynalov
T.Bəhramov adına Respublika Stadionu
