İspaniya La Liqasının 21-ci turunda "Valensiya" ilə oyun (7:1) "Barselona" Hans-Diter Flikin rəhbərlik altında keçirdiyi 32-ci matç olub.
Fanat.Az xəbər verir ki, bu görüşlərdə məhsuldarlıq göstəricisi 100-ü ötən (101 qol) Kataloniya klubu alman baş məşqçisi ilə tarixi göstəriciyə imza atıb.
"OptaJose"-nin hesablamasına görə, 59 yaşlı mütəxəssisin rəhbərliyi altında 23 qələbə qazanan komanda 3 dəfə heç-heçə edib və 6 məğlubiyyətlə üzləşib. Ümumi top fərqi isə 101:38-dir. Flik klubun tarixinə 101 qola bu qədər tez çatan ikinci məşqçi olub. Alman mütəxəssis yalnız 1959-cu ildə "Barselona"nın 31 matçda 101 qol vurduğu Elenio Erreradan geri qalır.
Kataloniyalılar hazırda La Liqanın turnir cədvəlində "Real Madrid"dən 7 xal geri qalaraq üçüncü yerdədir. Kataloniyalılar həmçinin, cari Çempionlar Liqasının 1/8 finalına vəsiqəni təmin edib.
Mirağa
