Bundesliqa və 2-ci Bundesliqanı əhatə edən bu pilot layihə, ümumilikdə 5 oyunda tətbiq olunacaq.
"Operativ Media" xəbər verir ki, yeni sistemə əsasən, hakimlər bəzi qərarlarını stadionda tamaşaçılara elan edəcək. Layihənin məqsədi, VAR sisteminin müdaxilələrinin səbəbini və hakimlərin qərarlarını izləyicilər üçün daha aydın etməkdir.
Proses necə işləyəcək?
Hakimlər aşağıdakı hallarda tamaşaçılara elan verəcək:
Bir qərarı nəzərdən keçirmək üçün monitora baxarkən.
VAR-ın tövsiyəsi ilə qərarı dəyişdirdikdə.
Hakim tamaşaçılara hansı məlumatları çatdıracaq?
Nəzərdən keçirilən epizod,
Nəzərdən keçirmənin nəticəsi,
Son qərar.
Bu elanlar təkcə stadionda deyil, həmçinin televiziya yayımı vasitəsilə də izləyicilərə çatdırılacaq. Layihənin uğurlu olması halında sistemin gələcəkdə geniş miqyasda tətbiqi nəzərdə tutulur.
