İdman xalçasında yolunu kiçik addımlarla başlayan istedadlı gimnast Züleyxa Şabanova ötən il qazandığı qələbələrlə gimnastika sahəsində parlaq gələcək vəd edib. Uğurlu performanslarında əzmkarlıqla zərifliyin harmoniyasını əks etdirən perspektivli gimnastın heyrətamiz çıxışları idmansevərlərin rəğbətini qazanıb. Züleyxa Şabanova Gürcüstanın paytaxtı Tbilisidə keçirilən bədii gimnastika üzrə “Venera Cup” beynəlxalq turnirində 5 qızıl medal, həmçinin “ARAM UAE CUP 2024” bədii gimnastika üzrə 7-ci Beynəlxalq Yarışda top və gürzlə hərəkətlərdə iki qızıl medal və birinci yerə layiq görülüb.
Əlbəttə, bu qələbələrdə gənc gimnastın ən böyük dəstəkçisi FCHAIN olub.
““Financial Chain Corporation” idmanın inkişafına daim xüsusi diqqət və qayğı göstərir və bu sahədə layihələrin həyata keçirilməsində uğurla təmsil olunur. Məqsəd sağlam həyat tərzini təbliğ etmək və idmana marağı artırmaq, gənc idmançılara dəstək olmaqdır. FCHAIN-in ölkədə idmanın inkişafına dəstəyinin ən yaxşı nümunələrindən biri onun gənc və istedadlı gimnast Züleyxa Şabanovaya rəsmi sponsorluq etməsidir. Biz şirkət olaraq Züleyxanın gimnastika üzrə böyük nailiyyətlərinə çox inanırıq. Bu sponsorluq vasitəsilə FCHAIN ona bacarıqlarını təkmilləşdirmək, daha yüksək səviyyələrdə yarışmaq, məqsədlərinə çatmaq və Azərbaycanı yüksək arenalarda ləyaqətlə təmsil etmək üçün lazım olan resurslarla təmin edir”, - deyə “Financial Chain Corporation”ın idarəedici tərəfdaşı Zaur Qədirov bildirib.
Bildiyiniz kimi, FCHAIN gənc və istedadlı gimnastla rəsmi sponsorluq müqaviləsi bağlayıb. Müqaviləyə əsasən, “Financial Chain Corporation” rəsmi sponsor kimi gənc gimnastı idman formaları, ləvazimatları, aksesuarları, suvenirlər, lazım gəldikdə isə maliyyə vəsaiti ilə təmin edir.
Bundan əlavə, şirkət gimnastın müxtəlif ölkələrdə keçirilən turnirlərdə və idman tədbirlərində iştirakı üçün tibbi sığortanı, nəqliyyat və yaşayış xərclərini də qarşılayır.
