İspaniyanın "Barselona" klubu İngiltərə təmsilçisi "Mançester Siti"də çıxış edən Ceremi Dokunu transfer etmək istəyir.
Sfera.az xəbər verir ki, bu barədə "Sport.es" nəşri məlumat yayıb.
Kataloniya təmsilçisi belçikalı futbolçunu mövsümün sonunadək icarəyə götürmək niyyətindədir. Lakin maliyyə çətinliyi ucbatından oyunçunun maaşı ilə bağlı "şəhərlilər"lə razılaşa bilməyəcəklərindən ehtiyatlanırlar.
Vinger az forma şansı əldə etdiyi üçün də narazıdır.
Qeyd edək ki, Ceremi Doku cari mövsüm bütün turnirlərdə Mançester təmsilçisinin heyətində 22 oyuna çıxıb, 6 qol və 7 məhsuldar ötürmə ilə yadda qalıb. Onun klubu ilə müqaviləsinin müddəti 2028-ci ilin yayınadək nəzərdə tutulub.
