Hindistanın Uttar Pradeş ştatında dini bayram zamanı müvəqqəti olaraq hazırlanmış bambuk səhnənin uçması nəticəsində 6 nəfər ölüb, daha 50 nəfər yaralanıb.
Bu barədə yerli polisə istinadən NDTV məlumat yayıb.
Qeyd olunur ki, məbədin yaxınlığında bambukdan hazırlanmış platforma ucaldılıb, lakin yüzlərlə dindarın ağırlığı altında dağılıb, bundan sonra insanlar çaxnaşmaya başlayıb.
Zərərçəkənlər tibb müəssisələrinə yerləşdirilib. Hazırda hadisə ilə bağlı araşdırma aparılır.
